Azərbaycanda sürücü avtomobilinin qapısını açanda gözlənilməz mənzərə ilə qarşılaşıb.
Demokrat.az-ın məlumatına görə, maşının küncünə onlarla xırda yumurta qoyulub.
Sosial şəbəkələrdə paylaşılan bu görüntülər qısa müddətdə böyük maraq doğurub. Bir çoxları ilkin olaraq bunun ilan yumurtası ola biləcəyini ehtimal edib.
Ekspertlər isə fotonu analiz edərək məsələyə dərhal aydınlıq gətiriblər. Yumurtaların rəngi, zeytun-qonur çalarları və xallı strukturu onların vəhşi qırqovula məxsus olduğunu sübut edir. Yerdə sınan yumurtanın daxili quruluşu da bu faktı tam təsdiqləyir.
Görünür, uzun müddət hərəkətsiz qalan nəqliyyat vasitəsi quş üçün ideal və təhlükəsiz yuvaya çevrilib.
Beləliklə, ilan qorxusu ilə həyəcan yaşayan sürücünün maşınından sadəcə vəhşi quşun yumurtaları tapılıb.
İsmayıl Demokrat.az
