ABŞ kəşfiyyat qurumları hesab edir ki, İran istənilən vaxt Hörmüz boğazı üzərindən dəniz hərəkətini məhdudlaşdıra bilər. Bu isə Tehrana qlobal iqtisadi proseslərə təsir göstərmək üçün mühüm strateji vasitə qazandırır.
Demokrat.az xəbər verir ki, boğazın açıq qalmasını təmin edəcək mexanizmlər üzərində müzakirələr aparılsa da, son qarşıdurma zamanı İran əsas dəniz marşrutuna çıxışı məhdudlaşdırmaq potensialını nümayiş etdirib.
Mənbələrin bildirdiyinə görə, ABŞ kəşfiyyatı Tehranın gələcəkdə də bu təsir imkanından istifadə edə biləcəyini istisna etmir. Kəşfiyyat məlumatları ilə tanış olan şəxslərdən biri CNN-ə açıqlamasında qeyd edib ki, İranın boğaz üzərindəki təsiri ona mühüm strateji üstünlük verir və bu amil regionda qüvvələr balansına təsir göstərir.
Demokrat.az
