Amerikalı psixoloq Mark Travers ən sadiq tərəfdaşlara xas olan iki əsas vərdişi açıqlayıb.
Demokrat.az-ın məlumatına görə, o, “Forbes” üçün yazdığı məqalədə qeyd edib ki, sədaqət adətən böhran anlarında yanında olmaq, mühüm qərarlar qəbul etmək və çətin dövrlərdə münasibətə bağlılığını göstərmək kimi böyük addımlarla əlaqələndirilir.
“Lakin real münasibətlərdə sədaqət daha çox onun çatışmadığı hallarda hiss olunur. Psixoloji araşdırmalar da ümumilikdə eyni nəticəyə gəlir, sadəcə bunu daha akademik dillə ifadə edir”, deyə Travers bildirib.
Onun sözlərinə görə, alimlər sədaqəti yalnız emosional bağlılıq kimi deyil, gündəlik davranışlarda müşahidə edilən xüsusiyyət kimi qiymətləndirirlər.
Sadiq tərəfdaşların sözləri və əməlləri üst-üstə düşür
Mütəxəssis bildirir ki, etibar hissinin formalaşmasında proqnozlaşdırıla bilən və sabit davranış mühüm rol oynayır. Tərəfdaşın dedikləri ilə etdikləri uyğun olduqda, qarşı tərəf onun vədlərinin mənasını davamlı şəkildə yoxlamağa ehtiyac duymur.
İstənilən münasibətdə gec-tez stress, anlaşılmazlıqlar, münaqişələr və ya xarici təzyiqlər yaranır. Belə məqamlarda tərəfdaşların bir-birinə münasibəti xüsusi əhəmiyyət daşıyır.
Araşdırmalar göstərir ki, münasibətlər tərəfdaşların komanda kimi hərəkət etdiyi hallarda daha da möhkəmlənir. Əksinə, hər kəs problemlərlə təkbaşına mübarizə aparmağa başlayanda və ya emosional uzaqlaşma yarandıqda münasibətlər zəifləyir.
“Bu vərdişlərin heç biri dramatik görünmür və məhz məsələ də bundadır. Həyatda sədaqət nadir hallarda gurultulu bəyanatlar şəklində ortaya çıxır. O, daha çox sabitlik, etibarlılıq və insanın yanında olarkən daim şübhə hissi yaşamamaq kimi xüsusiyyətlərlə özünü göstərir”, deyə Travers vurğulayıb.
Jalə Demokrat.az
