"Yalı Çapkını" serialı ilə ulduzu parlayan və son olaraq "A.B.İ" layihəsində rol alan aktrisa Afra Saraçoğlu geyimi ilə diqqət mərkəzinə düşüb. Layihədən ayrılacağı iddiaları ilə gündəmdə olan aktrisa sevgilisi Poyraz Yosmaoğlu ilə İspaniyanın paytaxtı Madridə tətilə yollanıb.
Demokrat.az xəbər verir ki, şəxsi həyatı barədə danışmağı xoşlamayan Afra Saraçoğlu Madrid tətilindən çəkilən yeni fotolarını instaqram hesabında paylaşıb. İspaniya küçələrində pozlar verən aktrisanın geyimi sosial şəbəkələrdə müzakirələrə səbəb olub.
AfraSaraçoğlunun geyindiyi qara rəngli transparan libas izləyicilərin diqqətindən qaçmayıb. Çiyinsiz və tül detallı uzun libasını xırda çanta və ipli hündürdaban ayaqqabı ilə tamamlayan aktrisanın bu tərzi maraqla qarşılanıb.
Sosial şəbəkə istifadəçiləri aktrisanın fotolarına qısa müddətdə çoxlu sayda bəyənmə və şərh yazıblar.
