Zülal tərkibi yüksək olan məhsullardan söz düşəndə, yumurta bir çoxlarının düşündüyü kimi o qədər də lider sayılmır. Bir yumurtada təxminən 6 qram zülal olur, lakin daha yüksək zülal tərkibli bir sıra məhsullar mövcuddur və onlardan biri xüsusilə diqqət çəkir.
Demokrat.az xəbər verir ki, bu barədə "Foodie” yazır.
Bu, kinoa adlı taxıldır ki, yumurtadan daha çox zülal ehtiva edir və çoxlu qida maddələri ilə zəngindir.
Bir stəkan bişmiş kinoada 8 qram zülal var. Zülaldan əlavə, kinoa fol turşusu, maqnezium və B vitamini ilə də zəngindir. Lif qəbuluna diqqət edənlər üçün də kinoa əlverişlidir — bir porsiyada 5 qram lif mövcuddur.
Vegetarianlar üçün kinoa ümumiyyətlə əvəzolunmaz bir zülal mənbəyi sayılır.
Kinoanı bişirmək çətin deyil, əsas məsələ su ilə taxılın düzgün nisbətini saxlamaqdır. Qazanda suda bişirilən kinoa kuskus kimi yumşaq və dənəvər olur, müxtəlif göyərti və ədviyyatlarla yaxşı uyğunlaşır.
Ümumilikdə, kinoanın neytral dadı onu zülal əlavə etmək istədiyiniz istənilən yeməyə uyğun edir: məsələn, salatlar, güveclər və hətta peçenye xəmiri.
Jalə Demokrat.az
