Səhər yeməyində cəmi iki qaşıq təbii fıstıq əzməsi qəbul etmək qandakı pis xolesterolu azaldır və ürək-damar xəstəlikləri riskini minimuma endirir. Tərkibindəki faydalı yağlar, zülal və zəngin liflər sayəsində bu qida insanı gün boyu tox saxlayır, enerji balansını tənzimləyir. Ekspertlər qatqısız və şəkərsiz məhsulların müntəzəm istifadəsinin orqanizm üçün əvəzsiz faydaları olduğunu bildirirlər.
Demokrat.az xəbər verir ki, nizamsız qidalanma və gərgin iş rejimi fonunda fıstıq əzməsi həm sürətli, həm də sağlam alternativ kimi çıxış edir. Məhsulun tərkibindəki doymamış yağ turşuları təzyiqi normada saxlayır, damarların daxili qatını qoruyur və qan dövranını yaxşılaşdırır. Maqnezium və E vitamini ilə zəngin olan bu çərəz əzməsi yaxşı xolesterolun səviyyəsini artıraraq ürəyin funksiyasını dəstəkləyir. Lakin yüksək kalorili olduğu üçün çəki artımının qarşısını almaq məqsədilə gündəlik porsiyanı nəzarətdə saxlamaq, ölçünü aşmamaq tövsiyə olunur.
Yəni, hər səhər yeyilən az miqdarda təbii fıstıq əzməsi qan damarlarını təmizləyərək ürəyi infarktdan qoruyur.
İsmayıl Demokrat.az
