İsrail Mərkəzi Statistika Bürosunun açıqladığı son məlumatlara əsasən, hazırda dünyada yaşayan yəhudilərin ümumi sayı 15 milyon 800 min nəfər təşkil edir. Statistik göstəricilər bu əhalinin böyük hissəsinin konkret iki ölkədə cəmləşdiyini ortaya qoyur.
Hesabatda qeyd olunur ki, dünya yəhudilərinin 45 faizi İsraildə, 40 faizi isə Amerika Birləşmiş Ştatlarında məskunlaşıb. Rəqəmlərlə ifadə etdikdə, İsraildə 7,2 milyon, ABŞ-da isə 6,3 milyon yəhudi yaşayır. Bu iki ölkədən sonra ən çox yəhudi əhalisi olan dövlətlərin siyahısına 436 min nəfərlə Fransa və 407 min nəfərlə Kanada başçılıq edir.
Siyahının davamında Birləşmiş Krallıqda 315 min, Argentinada 168 min, Almaniyada 126 min, Rusiyada 120 min və Avstraliyada 117 min yəhudinin yaşadığı bildirilir.
Demokrat.az
