Yeni İlə az qalıb. İnsanlar bu bayramı fərqli keçirməyə üstünlük verir. Bəs sənət adamları Yeni İl bayramını harada qarşılayacaq?
Qaynarinfo bununla bağlı sorğu keçirib. Cavabları təqdim edirik: Xalq artisti, muğam ifaçısıAlim Qasımov:
"Yeni İl bayramını Bakıda olacağam. Biz həmişə bayramı evimizdə keçiririk. Düzdür, tədbirlərimiz var, amma bu bayramı evdəyik”. 
Əməkdar artistElnarə Abdullayeva:
"İlin bütün gününü restoronlarda oluruq. İldə bircə gün də evimizdə ailəmizlə olaq. Bayram günü gedib özgənin qapısında oturmaq olmaz, hərənin öz evi var. Bu üzdən bayramı evimdə qarşılayacağam”. 
MüğənniNadir Qafarzadə:
"Yeni İl bayramında Azərbaycanda olacağam. İnsan bayramı evində keçirməlidir, tədbir həmişə var. Həmin günü ailəmlə bir arada olmaq mənə xüsusi zövq verir. Bayramdan sonra Moskvaya 15-20 günlük səfərim var. Həm havamı dəyişəcəyəm, həm də oradakı tədbirlərə dəvətliyəm”. 
Müğənni-meyxanaçıSamirə Yusifqızı:
"Mən artıq beş gündür Rusiyadayam. Yeni il burada qeyd edəcəyik. Tədbirlər var, hər birinə dəvətliyəm". 
Aşıq Zülfiyyə:
"Bu bayramı restoranda qarşılayacağıq. Öz restoranımızda olacağıq, böyük bayram tədbiri olacaq”. 
