Belarus prezidenti Aleksandr Lukaşenko ABŞ nümayəndə heyətini xəbərdar edib ki, Venesuela Birləşmiş Ştatlar üçün yeni Vyetnama çevrilə bilər.
Demokrat.azxəbər verir ki, bu barədə Belarusun BMT-dəki daimi nümayəndəsi Valentin Rıbakov “Birinci İnformasiya” telekanalına müsahibəsində danışıb. Onun sözlərinə görə, Belarus lideri ABŞ-ın uzunmüddətli və ağır nəticələrə səbəb ola biləcək hərbi münaqişəyə cəlb olunması təhlükəsinə diqqət çəkib.
“Prezident xəbərdarlıq etdi ki, Amerikanın bu cür müharibəyə cəlb olunması ABŞ üçün Vyetnamın təkrarı demək olacaq”, — deyə Rıbakov əlavə edib.
