“ABŞ prezidentinin Azərbaycan və Ermənistan liderlərini ölkəsinə dəvət etməsi və birlikdə iki ölkə arasında sülh müqaviləsini müzakirə etməsi artıq tarixi bir hadisədir”.
Bunu Demokrat.az-a açıqlamasında millət vəkili Aydın Mirzəzadə deyib.
O bildirib ki, bu addım ABŞ-nin problemi tezliklə sona çatdırmaq istəyindən və regionda stabilliyin bərqərar olmasında marağının göstəricisidir:
“Müqavilənin imzalanıb-imzalanmayacağı orada gedəcək söhbətlərdən asılıdır. Azərbaycan öz şərtini bildirib.
Əbu-Dabidə aparılan danışıqlar Ermənistanla mövqelərimizi bir qədər yaxınlaşdırdı. Bütün dünya və o cümlədən region bu görüşü səbrsizliklə gözləyir.
Əgər ABŞ prezidenti sülh müqaviləsinin imzalanmasını təmin etsə, hesab edirəm ki, tarixin çox əhəmiyyətli bir səhifəsi yazılmış olacaq”.
Cavidan Mirzəzadə Demokrat.az
