ABŞ Prezidenti Donald Tramp inauqurasiyadan sonra keçmiş prezident Co Baydenin 78 fərman və memorandumunu ləğv edib.
Demokrat.az xəbər verir ki, bu barədə CNN telekanalı məlumat yayıb .
Məlumata görə, Tramp Vaşinqtonda “Capital One Arena” idman-konsert kompleksində tərəfdarları qarşısında mitinqdə çıxış edərək, Baydenin qərarlarını ləğv edən bir sıra fərmanlar imzalayıb.
Telekanalın məlumatına görə, ABŞ-nin yeni prezidenti əvvəlki administrasiyanın ümumilikdə 78 fərman və memorandumunu ləğv edib.
Telekanal xəbər verir ki, imzalamağı bitirən Amerika lideri sənədləri imzaladığı qələmləri izdihamın arasına atıb.
Qeyd edək ki, 2017-ci ildə Tramp prezident kimi ilk günündə səhiyyə qanununun müddəaları ilə bağlı yalnız bir sərəncam imzalamışdı.
