Sentyabrın 26-dan oktyabrın 7-dək Qazaxıstanda KTMT-nin Kollektiv Sülhməramlı Qüvvələri “Sarsılmaz Qardaşlıq-2024” komanda qərargah təlimi keçirəcək.
Demokrat.az xəbər verir ki, bu barədə Qazaxıstan Müdafiə Nazirliyi məlumat yayıb.
“2024-cü il sentyabrın 26-dan oktyabrın 7-dək Almatı vilayətindəki Bereq poliqonunun bazasında KTMT-nin Kollektiv Sülhməramlı Qüvvələri “Sarsılmaz Qardaşlıq-2024” komanda-qərargah təliminin keçirilməsini planlaşdırır”, - məlumatda qeyd edilib.
Qeyd edək ki, döyüş hazırlığı tapşırıqlarını yerinə yetirmək üçün sentyabrın 18-dən Belarus, Qazaxıstan, Qırğızıstan, Rusiya və Tacikistandan olan hərbi kontingentlər manevr yerinə gəlməyə başlayacaq.
Mehriban Mirzəzadə Demokrat.az
