“5 oktyabr müəllimlər günü” münasibətilə Salyan rayon İcra Hakimiyyəti başçısının müavini Rəşad Cəbrayılov, Təhsil İşçiləri Azad Həmkarlar İttifaqı Salyan rayon komitəsinin sədri Yaqut Ələsgərova və gənclər təqaüddə olan bir qrup müəllimləri evlərində ziyarət edib.
Demokrat.az xəbər verir ki, ziyarət zamanı təqaüddə olan müəllimlərin peşə bayramları təbrik edilib, onlara sağlamlıq və xoş arzular dilənib.
Görüşdə şərəfli pedaqoji fəaliyyətdə saç ağardaraq şagirdlərinin həyat yollarına çıraq olmuş ahıl pedaqoqlar Soltanağa Ağalarov, Səmayə Əsədova, Xalidə Salmanova və Səkinə Qasımova pedaqoji xatirələrindən söhbət açmış, xoş sözlərə, mənəvi dayağa görə razılıqlarını bildiriblər.
Görüşdən sonra dünyasını dəyişmiş bir qrup müəlimlərin məzarları da ziyarət olunub, ruhlarına dualar oxunub.
