Elektrik mühәrrikli avtobusların istehsalına başlanılır

Sumqayıt Kimya Sәnaye Parkında Çinin “BYD Company Limited” şirkәti ilә әmәkdaşlıq çәrçivәsindә elektrik mühәrrikli avtobusların istehsalına başlanılacaq. İqtisadiyyat Nazirliyindən bildirilib ki, nәqliyyat sisteminin daha tәhlükәsiz, ekoloji cәhәtdәn tәmiz olması vә atmosferә atılan tullantıların azaldılması Azәrbaycanın dayanıqlı inkişafının hәdәflәrindәndir.

Ekoloq Rövşən Abbasov Demokrat.az saytına açıqlamasında deyib ki, hazırda iri şəhərlərdə elektrik mühərrikli avtobusların istifadəsi ekoloji cəhətdən faydalıdır:

"Bu zaman atmosfer havası xeyli təmizlənir. Benzin, dizel və digər yanacaq növlərinin yandırılması nəticəsində atmosferə zərərli qazlar buraxılmır. Bu baxımdan görülən işlər təqdirəlayiqdir. Elektrik mühərrikli nəqliyyat vasitələri gələcəyin nəqliyyat vasitələridir. Elektrik nəqliyyatı üçün elektrikdən istifadə olunur. Azərbaycan hələlik elektrik enerjisini əsasən istilik elektrik stansiyalarından əldə edir. İnanıram ki, yaxın gələcəkdə alternativ enerji mənbələrindən istifadə də artacaq".

Törə Zeynallı Demokrat.az