Rusiyanın xarici işlər naziri Sergey Lavrov Avropa İttifaqının (Aİ) rekord sürətlə hərbi təşkilata çevrildiyini bəyan edib.
Demokrat.az xəbər verir ki, o, bu barədə Birləşmiş Millətlər Təşkilatının (BMT) Nyu-Yorkdakı mənzil-qərargahında keçirilən mətbuat konfransında danışıb.
Lavrov bildirib ki, yanvar ayında Brüsseldə NATO ilə Aİ arasında imzalanan “strateji tərəfdaşlıq” bəyanatında Rusiyanın Ukraynaya müdaxiləsi “Avro-Atlantik təhlükəsizliyə böyük təhdid” kimi tənqid edilib, əməkdaşlığa çağırılıb:
"Lakin bu bəyanatda NATO-nun Aİ-nin təhlükəsizliyinə zəmanət verəcəyi ilə bağlı fikirlər yer almır".
Sergey Lavrov deyib ki, NATO və Avropa İttifaqı Rusiyanı parçalamağa çalışır:
"NATO-nun genişlənməsi Rusiyanın təhlükəsizliyini təhdid edir. Amma bu cür cəhdlər Rusiyanı daha da gücləndirəcək".
Aysu Demokrat.az
