ABŞ-ın keçmiş prezidenti Donald Tramp martın 21-də həbs olunacağını bildirib və tərəfdarlarını küçələrə çıxmağa çağırıb.
Azpost.infoxəbər verir ki, “Reuters” bunu Trampın “Truth” sosial şəbəkəsindəki paylaşımına istinadən yazır.
“Respublikaçıların aparıcı namizədi və Birləşmiş Ştatlarının keçmiş prezidenti gələn həftənin çərşənbə axşamı günü həbs olunacaq. Etirazlara çıxın, ölkəmizi qaytarın”, – Tramp sosial şəbəkədə yazıb.
Manhetten Prokurorluğu Trampa qarşı ittiham irəli sürüb. Ağ Evin keçmiş rəhbəri hansı ittihamla həbs olunacağını açıqlamayıb.
Həbs baş tutarsa, Tramp cinayət məsuliyyətinə cəlb edilən ilk ABŞ prezidenti olacaq.
