“2001-ci il sentyabrın 11-də baş vermiş terror aktlarından sonra Qərb ölkələrində islamofobiyanın artması müşahidə olunub”.
Demokrat.az xəbər verir ki, bunu “Report”a açıqlamasında NATO-nun Dəniz Tədqiqatları və Təcrübələri Mərkəzinin analitiki Mauritsio Qeri məlumat verib.
Onun sözlərinə görə, hazırda bu ölkələrdə islamofobiya 11 sentyabr hadisələrindən sonrakı dövrlə müqayisədə daha azdır: “İtaliyada islamofobiya Fransadakı kimi özünü büruzə vermir. Bundan əlavə, İtaliyada Afrikadan olan çox sayda müsəlman mühacir var”.
