“Su itkisinin 30 faizdən 5 faizədək azalması nəzərdə tutulur”.
Demokrat.az xəbər verir ki, bu sözləri Meliorasiya və su təsərrüfatı ASC-nin sədr müavini Rafiq Aslanov mətbuata açıqlamasında bildirib.
Müavin deyib ki, su infrastrukturun qurulması ilə bağlı prezident tərəfindən bır sira sənədlər imzalanıb:
"Bu sənədlər bərpa işlərinin görülməsi ilə bağlıdır. Həmçinin bir sıra kanalların bərpasına başlanıb. Bununlada su itkisinin 30 faizdən 5 faizədək azalması nəzərdə tutulur".
Rafiq Aslanov həmçinin işğaldan azad olunan ərazilərimizdə də bərpa işlərinin davam etməsindən danışıb:
"Bu bərpa işlərinin oktyabr ayında bitməsi nəzərdə tutulur. Bərpa işlərinin birinci mərhələsində 9 min km kanalın bərpası nəzərdə tutulur. Su itkilərinin çox olmasının əsas səbəblərindən biri su sistemlərinin köhnə, yararsız vəziyyətdə olmasıdır".
Aysu Demokrat.az
