"Səhər namazını gözlədiyim üçün zəlzələni oyaq şəkildə qarşıladım".
Demokrat.az-ın "Fotomaç"a istinadən xəbərinə görə, bu sözləri Fransa mediasına açıqlamasında Türkiyənin "Hatayspor" klubunun kamerunlu futbolçusu Kevin Soni deyib.
24 yaşlı hücumçu bildirib ki, zəlzələ zamanı qorxu dolu anlar yaşayıb:
"Mən dindar insanam. Namazı saat 06:40-a gözləməli olacaqdım. Zəlzələ anında yatsaydım, həyatda qalmaq şansım yox idi. Əvvəlcə, özümü 7-ci mərtəbədən atmaq istədim. Amma bina çökmədən oradan çıxa bildim. Yanımda insanların vəfat etdiyini gördüm. Böyük travma yaşadım".
Forvard deyir ki, belə anlarda həyatda hər şeyin boş olduğunu anlayırsan:
"Hər kəs evini, maşınını buraxıb, sığınacaq üçün yer axtarır. Yaşadıqlarımız film kimi idi. Həyatıma vəfutbola başlayandan bəri mənə ən çox qəribə gələn, təəccübləndirən bir hadisə idi. Hələlik burada qalıb-qalmayacağımla bağlı bir qərar verməmişəm" - deyə K. Soni qeyd edib.
Zamiq Demokrat.az
