Amerika Birləşmiş Ştatları Ukrayna rəhbərliyinə Rusiya ilə danışıqlar aparmaq üçün təzyiq göstərmir və hesab edir ki, prezident Volodimir Zelenski nə vaxt və hansı şəraitdə belə dialoqa hazır olacağını müəyyənləşdirməlidir.
Demokrat.az Ukrayna mətbuatına istinadən bildirir ki, bunu bazar ertəsi ABŞ-ın NATO-dakı daimi nümayəndəsi, səfir Culian Smit deyib.
"Biz onları (Ukraynanı - red.) təşviq etmirik. Bu cür danışıqlarla bağlı bütün məsələləri Ukrayna prezidentZelenskişəxsən həll etməlidir. Biz ona imkan verəcəyik ki, hansı şərtlər altında masa arxasında
əyləşməyə (danışıqlar – red.) hazır olacağını müəyyən etsin”, - Smit qeyd edib.
O vurğulayıb ki, Ukrayna məsələsində ABŞ öz mövqeyini dəyişməyib.
Leyla Demokrat.az
