İranda artıq bəşəriyyətə qarşı cinayət işlədilir: "Dünya dövlətləri susmamalıdır"

“Avropa ölkələri, demokratik dövlətlər, bölgə ölkələri İran adlanan ölkə ilə bağlı öz siyasətlərində düzəliş etməlidirlər. Yəni, İran adlanan ölkənin öz vətəndaşlarına münasibəti ilə bağlı ciddi bəyanatlar, ciddi açıqlamalar verilməlidir. Avropa Birliyi keçən günlərdə 31 şəxsi müxtəlif SEPAH-a, dini rəhbərliyə, polisə bağlı qüvvələrin adlarını qara siyahıya saldı və onlara sanksiya tətbiq etdi. Onunla yanaşı, üç şirkətə qarşı belə bir sanksiyanın uyğulanmasını həyata keçirdi. Bu şirkətlərdən biri SEPAH-la əməkdaşlıq fondudur. İran adlanan ölkənin xaricdə fəaliyyət göstərən televiziyası da sanksiyalara salındı. İngiltərə isə 24 nəfərin adını bu sanksiyalara salıb. Hansı ki etirazçılara qarşı qəddarlığın göstərilməsində, əmrlərin verilməsində, onların döyülməsində, öldürülməsində ciddi rolları olub”.

Bu fikirləri Demokrat.az-a açıqlamasında Savalan Araşdırmalar Mərkəzinin rəhbəri, siyasi şərhçi, GAMAC İdarə Heyətinin üzvü Sadiq İsabəyli deyib. Analitik qeyd edib ki, İran bu ölkələri də ciddi təhdid etməkdədir:

“İran onları təhdid edir və onları daxili işlərinə qarışmış kimi dəyərləndirr. Hesab edirəm ki, bu kimi sanksiyaların İrana tətbiq olunması vacibdir. Əgər molla rejimi İran adlanan ölkədə müxtəlif ölkələrin səfirliklərini çağırırsa, onlara xəbərdarlıq edirsə ki, bu etirazlarla fikir bildirir, sizin ölkəniz demək ki, bu rejim hələ də, qəddar siyasətinə, öz vətəndaşlarına qarşı zorakılığı davam etdirmək istəyir. Avropa dövlətləri, Qərb, ABŞ, həmçinin bölgə ölkələri bu məsələdə çox şəffaf və birgə qərar qəbul etməlidirlər. Burada artıq bəşəriyyətə qarşı cinayət işlədilir. Əgər bunlar həbsdə olan insanların işgəncəsinə qərar verirlərsə, onların edamına qərar verilirsə, bu bəşəriyyətə qarşı cinayət, soyqırım işlənilir. Bunun qarşısı alınamalıdır! İranla bağlı ciddi siyasət, şəffaf siyasət ortaya qoyulsun! Rejimə başa salınsın ki, bir sıra qırmızı cizgilər var ki, bunu da molla rejimi aşa bilməz”.

Nəzrin Demokrat.az