"Universitetlərə qəbulu asanlaşdıraq" — Deputatdan təklif

Təhsil məsələləri həmişə gündəmə gətirilir. Mövzumuz universitetlərimizin beynəlxalq reytinqlərdə yeridir. Beynəlxalq reytinqlər sadəcə bir göstəricidir. O reytinqlərdə niyə olmamağımıza cavab tapmalı və o siyahıya daxil olmaq üçün hansı addımları atmalı olduğumuzu düşünməliyik. Modern.azxəbər verir ki, bunu Milli Məclisin deputatı Musa Qasımlı “Azərbaycan universitetləri beynəlxalq reytinq müstəvisində: gerçəklik və hədəflər” mövzusunda keçirilən dəyirmi masada deyib. O bildirib ki, elmi-tədqiqat sahəsində, təhsildə, dərsliklərdə, sosial məsələlərdəki problemlər araşdırılmalıdır. Universitetlərdə dərslərin interaktiv keçirilməsinin, praktiki vərdişlərin artırılmasının vacib olduğunu vurğulayan deputat ali məktəblərə qəbul qaydalarının dəyişdirilməsini təklif edib:

“Universitetlərin qapılarını açaq, kim ali təhsil almaq istəyirsə, gəlsin. Amma qəbul prosesini asanlaşdırıb, təhsil prosesini çətinləşdirək. Biz təhsilimizi bu baxımdan sağlamlaşdırmalıyıq ki, gələcəkdə problemlər olmasın”.