“Rusiyada səfərbərliyə çağırılanların bir çoxu ən aşağı səviyyələrdə olan insanlardır” — VİDEO

“Rusiya hakimiyyəti bu yaxınlarda bir açıqlama verdi ki, səfərbərliyə 300 min nəfər planlaşdırılmışdısa, artıq 500 min insan səfərbərliyə cəlb edilib. Artıq bunların keyfiyyəti haqda danışmaq olmaz. Çünki çağırılanların bir çoxu ictimaiyyətin ən aşağı səviyyələrində olan insanlardır”.

Demokrat.azxəbər verir ki, bu sözləri Müsavat TV-nin efirində siyasi şərhçi Fuad Abbasov deyib.

“Rusiyada müharibə başlayan gündən etirazlar var. Miqyasından asılı olaraq, bu etirazlar yatızdırılırdı. Xatırlayıram, fevral ayında, qış aylarında insanlar səfərbərliyə deyil, müharibəyə etiraz edirdilər. O dönəmdə müharibəyə etiraz edərək həbs olunan, Rusiya hakimiyyəti tərəfindən təqib edilən insanların bir çoxu Avropaya, Amerikaya gedərək, o ölkələrdə sığınacaq aldılar. İnsanlar haqlı olaraq müharibəyə qarşı çıxırdılar. İnsan cangüvənliyi deyil, ölkənin xarici siyasətini qınayırdılar” - deyə F.Abbasov bildirib.

Siyasi şərhçi hesab edir ki, insanların indiki etirazları əvvəlki vaxtlardan fərqlənir:

“İndi isə etiraz aksiyaları o cangüvənliyini qorumaq üçün həyata keçirilir. İnsanlar özünü fikirləşir, ölkəni deyil, xarici siyasəti deyil, müharibəni deyil, ukraynanı deyil, özünü fikirləşir. Ki, özünüz bilərsiniz, məni niyə öldürürsünüz? Mən gedib ölmək istəmirəm. Gizli səfərbərliyə etiraz olunur”.

Zamiq Demokrat.az