“Nə qədər Azərbaycanda Ramiz Mehdiyevin və onun komandasının kökü kəsilməyib, belə də olacaq…”

“AMEA-nın etiraz edən əməkdaşları Ramiz Mehdiyev onlara rəhbər gələndə etirazlarını bildirərdilər. Ramiz Mehdiyev AMEA-nı elə bir günə qoyub, Azərbaycan təhsilinə, Azərbaycandilli mentalitetə şüurlu şəkildə elə zərbə vurub ki, bu, dünya miqyasında görünməmiş bir haldır. Əlbəttə, Mehdiyev çalışır ki, ölkədə narazılıq dalğasını böyütsün. Buna da qismən nail olub. Piketlərin, mitinqlərin, dövlətə qarşı çıxan insanların sayı çoxalıb. AMEA-da işləyənlərin hamısı ziyalı, akademik, elmlər namizədi, professor adamlardırlar. Bu baxımdan Mehdiyev işləri elə qurur ki, xalq arasında böyük narazılıq yaransın. Desinlər ki, Akademiyamıza, təhsilimizə də bu cür münasibət bəsləyirlər, ziyalılarımıza qiymət vermirlər...”

Bu sözləri Pravda.az-a Müasir Müsavat partiyasının sədri Hafiz Hacıyev AMEA əməkdaşlarının sayının üç dəfəyə qədər azaldılmasına münasibət bildərərkən deyib.

H.Hacıyevin sözlərinə görə, AMEA-da aparılan kadr islahatları düşünülmüş şəkildə böyük bir layihənin tərkib hissəsidir: “Ramiz Mehdiyev və komandası da bunu çox ustalıqla həyata keçirir. Çox təəssüf ki, Azərbaycanda Mehdiyevin özü və komandası “5-ci kolon”la at oynadır. Təəssüflənirəm. 20 il bundan qabaq dediklərim hamısı bu gün təsdiqini tapır. Mehdiyev hakimiyyətdə olan dövrdə bu məsələlərə münasibətimi bildirmişəm, gələcəkdə nə olacağının hamısını demişəm. Bu gün də hər şey gəlib öz yerini tutur. Nə qədər Azərbaycanda Ramiz Mehdiyevin və onun komandasının kökü kəsilməyib, belə də olacaq. Təəssüf hissi keçirirəm...”