“Rusiyanın işğal etdiyi Ukrayna vilayətlərində referendum keçirəcəyi gözlənilən idi. 24 fevraldan sonra rusların Kiyevi tutmaq planı puça çıxdıqdan sonra və Ukrayna ordusunun Xarkov istiqamətində uğurları Kreml üçün başqa alternativ qoymur. Kreml son ana qədər bu vilayətlərdə qondarma respublikalar adından çıxış edirdi”.
Bu fikirləri Demokrat.az-a açıqlamasında siyasi şərhçi Zaur İbrahimli deyib. Analitik qeyd edib ki, Xarkov vilayətinin ruslardan azad olunması göstərdi ki, Kiyevin ölkənin cənub-şərq hissəsindən də rusları qovmaq potensialı var: 
Z.İbrahimli qeyd edib ki, bu addımla Kreml həmçinin geri çəkilmək üçün imkan saxlandığını da diqqətə çatdırmağa çalışır və yenə Qərb ölkələrini seçim qarşısında qoyur:
“Əgər əvvəllər bu vilayətlərin Ukraynanın tərkibində hər hansı statusu müzakirə predmeti olmuşdursa, artıq bu mümkün olmayacaq. Deməli, əgər danışıqlar bərpa olunsa, Rusiyanın ilkin şərtləri qəbul edilməlidir. Gözləmək olar ki, referendumlar Ukraynanın yeni hücumlara sövq edə bilər. Kiyev referendumun nəticələrinin rəsmiləşdirilməsi prosedurları dövründə yeni hücumlara müəyyən nailiyyətlər əldə etməyə çalışa bilər. Ümumilikdə isə gözlmək olar ki, referendumlardan sonra həm siyasi müstəvidə, həm də hərb meydanında qarşıdurma daha da şiddətlənəcək. Bu addımların Qərb ölkələrinin Ukraynaya yardımının həcminin azalmasına səbəb olacağını düşünmürəm. Bu təşəbbüslər Ukrayna əhalisi üçün isə Rusiyaya qarşı vuruşmaqda daha böyük motivasiya yaradacaq”.
Aynurə Demokrat.az
