Bu gün Vətən Müharibəsi şəhidi Nicat İbrahim oğlu Nağıyevin doğum günüdür.
Demokrat.az xəbər verir ki, bu münasibətlə Salyan rayon Qızılağac kəndində Vətən Müharibəsi Şəhidi Nicat İbrahim oğlu Nağıyevin adına inşa edilmiş Şəhid bulağında anım tədbiri keçirilmişdir.
Tədbirdə Yeni Azərbaycan Partiyası Salyan rayon Təşkilatının sədri Elmar Əhmədov və Yeni Azərbaycan Partiyası Salyan rayon Təşkilatının fəalları, Salyan rayon Gənclər və İdman İdarəsinin rəisi Araz Hüseynov və Salyan rayon Gənclər və İdman İdarəsinin əməkdaşları, Salyan rayon İcra Hakimiyyətinin Vətən müharibəsi iştirakçıları və şəhid ailələri ilə işin təşkili şöbəsinin müdiri Rəşad Kərimov, Vətən müharibəsi qaziləri, Şəhid valideynləri və rayon ictimaiyyəti iştirak etmişdir. İlk öncə şəhidlərin xatirəsi bir dəqiqəlik sükutla yad edilmişdir. Çıxışlardan sonra məktəblilər Vətənpərvərlik mövzularında şeirlər səsləndirdilər.
Daha sonra Tədbir iştirakçıları Salyan rayon Qızılağac kənd qəbiristanlığında Vətən Müharibəsi Şəhidi Nicat İbrahim oğlu Nağıyevin məzarını ziyarət etmiş, məzarı önünə gül dəstələri qoymuş, ruhuna dualar oxunmuşdur.
Məlik Demokrat.az
