Onlara sadəcə “Ayıb olsun” deyə bilərəm — Rəşid Mahmudov


SOSİAL 13 okt 2021, 19:35
Xəbər verdiyimiz kimi Göygöldə bir qrup şəxs tərəfindən it döyüşləri keçirilib. Yüzlərlə insan keçirilən yarışa baxmaq üçün “it meydanı” adlanan əraziyə toplaşıb. Hətta qanunsuz yarışların hər ay keçirilməsinin nəzərdə tutulduğu bildirilib.

Məsələ ilə bağlı Demokrat.az-a açıqlama verən Əməkdar müəllim Rəşid Mahmudov yarışda iştirak edən şəxsləri tənqid edib: “Həm o yarışı təşkil edənlərə, həm iştirak edənlərə, həm də baxmağa gedənlərə sadəcə “Ayıb olsun” deyə bilərəm. O şəxslərə deyilə biləcək başqa söz yoxdur. Qanunsuz yarış keçirirlər, gedib maraqla tamaşa da edirlər, elə bil doğru iş görüblər. O qədər boş vaxtları varsa, cəmiyyəti maraqlandıran məsələlərin həlli ilə məşğul olsunlar. O qədər çox pulları varsa, şəhid, qazi ailələrinə dəstək üçün ayırsınlar. O yarışlara göstərdikləri marağı başqa sahələrə yönəltsinlər”.

Aygül Qarayeva
 Demokrat.az


DİGƏR XƏBƏRLƏR

XƏBƏR LENTİ
Top