Ərdoğan Təhlükəsizlik Şurasının iclasını keçirir — Gündəlikdə Qarabağ da var


XARİCİ SİYASƏT 02 iyn 2021, 15:20
Türkiyə Milli Təhlükəsizlik Şurasının iclası başlayıb.

Demokrat.az xəbər verir ki, toplantıya ölkə prezidenti Rəcəb Tayyib Ərdoğan sədrlik edir.

İclasın gündəliyinə daxil edilən məsələlərdən biri də Azərbaycanın Ağdam rayonunda yerləşən və atəşkəsə nəzarət edən Türkiyə-Rusiya Birgə Monitorinq Mərkəzinin fəaliyyətinin müzakirə edilməsidir.

Toplantıda Türkiyə Silahlı Qüvvələrinin Azərbaycanla yanaşı Liviya və Suriyadakı fəaliyyəti də nəzərdən keçirilir.

İclasda İraqın şimalında terrorçulara qarşı keçirilən “Pençe” əməliyyatlarının gedişi, Kipr məsələsi, Egey və Aralıq dənizindəki vəziyyət, terrora qarşı mübarizə və digər strateji məsələlər müzakirə olunur.

İyunun 14-də Brüsseldə NATO-ya üzv dövlətlərin zirvə toplantısı keçiriləcək. Təhlükəsizlik Şurasının müzakirə edilən digər məsələ Türkiyə hərbçilərinin alyansdakı vəzifələri ilə bağlıdır.(report.az)

 


DİGƏR XƏBƏRLƏR

XƏBƏR LENTİ
Top