Müsavat başqanı PA-nın şöbə müdiri ilə danışığının detallarını AÇIQLADI


DAXİLİ SİYASƏT 20 dek 2020, 18:05
Müsavat Partiyasının başqanı Arif Hacılı Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyevlə telefon danışığının detallarını açıqlayıb.

Demokrat.az-ın xəbərinə görə, A.Hacılı deyib ki, Ədalət Vəliyev 44 günlük müharibə dövründə ölkədə milli birlik mühitinin yaranmasında Müsavat Partiyasının xüsusi rolu olduğunu qeyd edib.

“Müharibə günlərində və ondan sonrakı dövrdə irəli sürdüyümüz təkliflərin əsasən qəbul olunub həyata keçirildiyini, bu təkliflərin düşmən üzərində qələbəmizə əhəmiyyətli töhfə verdiyini bildirib. Bütün bunlara görə mənə və Müsavat Partiyasına Azərbaycan hakimiyyətinin minnətdarlığını çatdırıb. Telefon danışığında Qarabağ bölgəsində indi yaranmış mürəkkəb vəziyyət və bu vəziyyətdən çıxış yolları, həmçinin həmrəylik mühitinin davam etdirilməsi barədə müzakirələrimiz oldu.  Milli birlik mühitinin davam etməsi üçün hakimiyyətin atmalı olduğu addımlar barədə konkret təkliflər verdim. Qarşımızda duran vəzifələrdən biri kimi daxili və xarici siyasətdə ciddi dəyişikliklərin zəruriliyi barədə fikirlərimi çatdırdım.  Bu məsələr barədə irəli sürdüyümüz və mətbuatda yayılan təkliflərimizi diqqətə almalarını təklif etdim. Yayılan bəzi təhrif olunmuş məlumatlara aydınlıq gətirərərək bildirirəm ki, təqribən 15 dəqiqə ərzində davam edən telefon danışığımızın özəti budur...” – A.Hacılı bildirib.


DİGƏR XƏBƏRLƏR

XƏBƏR LENTİ
Top