İqbal Ağazadə Pərvizin ali məktəbdən qovulmasına etiraz etdi


SOSİAL 28 noy 2020, 00:09
"Pərviz adlı gəncin bayrağa sayğısız davranışı təəssüf doğurur. Lakin verilən cəza Pərvizin hərəkətinə adekvat deyil, olduqca ağır, sərt və hüquqa ziddir”.

Demokrat.az xəbər verir ki, bunu Ümid Partiyasının sədri, sabiq deputat İqbal Ağazadə Bakı Dövlət Universitetinin Mexanika-riyaziyyat fakültəsinin I kurs tələbəsi Məhəmmədov Pərviz Əlipənah oğlunun ali məktəbdən qovulmasına etiraz edərkən bildirib.

İ.Ağazadə deyib ki, tələbənin hərəkətləri ictimai qəzəb yaradıb, belə həssas məqamda hamımızda ikrah doğurub. Lakin bu hərəkət olsa-olsa qınaq obyektinə çevrilməli, gənc bir tələbınin təhsil hüququnun əlindən alınması ilə nəticələnməməlidir.

“Bəlkə o tələbə sabahın elmlər doktoru, yaxşı tədqiqatçısı ya da meneceri olacaq. Kim bilir...

Qarabağda tarix yazan şəhid və qazilərimiz də bəzən mülki həyatda çoxlarının qınağına tuş gəlmirdilərmi?

İlk fürsətdə qəhrəmana çevrilmədilərmi?

Pərvizə də fürsət verilməlidir, səhvini düzəltmək üçün bu qınaq da yetərlidir.

Təhsil nazirinə və Bakı Dövlət Universitetinin rektoruna müraciət edirəm:

Pərvizin təhsil almaq hüququnu bərpa edin. Cəzalar hərəkətlərə adekvat olmayanda cəmiyyət cinayətkarlar, pis insanlar yetişdirir. Bir gənci tərbiyə etmək əvəzinə, onu pis insan olmağa məcbur etməyin”,-İ.Ağazadə bildirib.

Demokrat.az


DİGƏR XƏBƏRLƏR

XƏBƏR LENTİ
15 may 2021, 23:40
Top