Məşhur restoranların dadını evdə hazırlamaq istəyənlər üçün ləziz və doyumlu menyu. Kremalı və körili toyuq, qaymaqlı makaron və təzə salatın birləşməsindən ibarət bu süfrə həm ailə, həm də qonaqlar üçün ideal seçimdir.
Demokrat.az evdə asanlıqla hazırlaya biləcəyiniz “Tavuk Dünyası” üslubunda menyunun reseptini təqdim edir.
Lazım olan ərzaqlar
Körili və kremalı toyuq üçün:
500 qram toyuq filesi 4-5 xörək qaşığı zeytun yağı 1 paket maye qaymaq 1 çay qaşığı köri Keklikotu, şirin qırmızı toz bibər və duz
Qaymaqlı makaron üçün:
1 paket makaron 1 paket maye qaymaq 1 xörək qaşığı kərə yağı Keklikotu və duz
Salat üçün:
Marul 1 ədəd yerkökü Yaşıl soğan Limon suyu Zeytun yağı Duz Hazırlanma qaydası
1. Toyuğu marinad edin
Toyuq filesini kub formasında doğrayın. Üzərinə zeytun yağı, keklikotu və qırmızı toz bibər əlavə edib qarışdırın. Ədviyyatların ətə hopması üçün soyuducuda təxminən 1 saat saxlayın.
2. Makaronu hazırlayın
Makaronu duzlu suda bişirib süzün. Ayrı tavada kərə yağını əridin və üzərinə qaymaq, duz və keklikotu əlavə edin. Makaronu sousa əlavə edib vam odda bir neçə dəqiqə qarışdırın.
3. Salatı hazırlayın
Marul, yerkökü və yaşıl soğanı yuyub doğrayın. Limon suyu, zeytun yağı və duzu salata süfrəyə verməzdən əvvəl əlavə edin.
4. Toyuğu qızardın
Tavanı yaxşı qızdırın və marinad edilmiş toyuqları hissə-hissə əlavə edin. Toyuqları çox sıx yerləşdirməmək vacibdir. Əks halda ət qızarmaq əvəzinə suyunu buraxa bilər.
Toyuqları hər iki tərəfi qızılı rəng alana qədər yüksək odda bişirin. Daha sonra üzərinə qaymaq, köri və bir qədər duz əlavə edin. Sous qatılaşana qədər bir neçə dəqiqə bişirin.
Hazır toyuğu qaymaqlı makaron və təzə salatla birlikdə servis edin.
Jalə Demokrat.az
