Abşeron rayonunda 2007-ci il təvəllüdlü Teymur şəxsi münasibətlər zəminində yaranan mübahisə zamanı dayısı oğlu Rasimə xəsarət yetirib.
Demokrat.az-ın əldə etdiyi məlumata görə, hadisə 1 aprel 2024-cü ildə Xırdalan şəhəri, S.Bəhlulzadə küçəsində baş verib.
Teymur həmin gün saat 13:00-da fərdi yaşayış evinin qarşısında qohumluq münasibətlərində olduğu dayısı oğlu Rasimin onun anasının ünvanına nalayiq ifadələr işlətməsi ilə əlaqədar aralarında yaranmış mübahisə zamanı üzərində olan bıçaq ilə qəsdən onun döş qəfəsindən bir dəfə vurub.
Hadisəni törədən Teymurun barəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə ittiham elan edilib.
Cinayət işi üzrə təqsirləndirilən şəxs qismində ifadə verən Teymur ona elan olunmuş ittiham üzrə özünü təqsirli bilib. O, ifadəsində göstərib ki, aprelin 1-də, səhər saatlarında qardaşı ilə birlikdə dayısı oğlu Rasimin yaşadığı Abşeron rayonu, Xırdalan şəhəri, Sətdar Bəlulzadə küçəsində yerləşən fərdi tikili evinə gedib: “Orada olan zaman Rasim anamın ünvanına nalayiq ifadələr işlətdi. Bu səbəbdən aramızda sözlü mübahisə yarandı. Həmin vaxt qardaşım bizi sakitləşdirdi və biz həmin evdən çıxaraq getdik. Özüm və ailə üzvlərimlə birlikdə müxtəlif metalları zibillikdən toplayırıq. Rasimin evindən çıxdıqdan sonra onun evinin yaxınlığında olan zibillikdə metal axtaran zaman, sarı rəngli tutaçağı olan bir ədəd mətbəx bıçağını tapdım. Həmin bıçağı götürərək əynimdə olan şalvarın sol yan cibinə yerləşdirdim. Bıçağı götürməyimin səbəbi gələcəkdə yerdən tapacağım, naqillərin üzərində olan üzlüyü təmizləmək üçün istifadə etmək olub”.
Təqsirləndirilən şəxs qeyd edib ki, həmin gün saat 13:00-da qardaşı Muradla birlikdə Rasimin evinin qarşısından keçən zaman, Rasim yaşadığı evin qapısının qarşısında dayandığını görüb: “Rasim məni görən zaman yenidən mənim və ailə üzvlərimin ünvanına nalayiq ifadələr işlətməyə başladı. Aramızda sözlü mübahisə yarandı. Rasim üzərimə gəldi və məni vurmaq istədi. Mən də əsəbləşərək cibimdə olan bıçağı çıxardım və bir dəfə həmin bıçaqla Rasimin qarın nahiyəsindən vurdum. Daha sonra bıçağın üzərində qan olduğunu gördüm və qorxdum. Qaçaraq oradan uzaqlaşdım”.
İş üzrə zərərçəkmiş qismində ifadə verən Rasimin sözlərinə görə, aprelin 1-də, səhər saatlarında bibisi uşaqları – Murad və Teymur onun yaşadığı evə qonaq gəliblər: “Mən sərxoş olduğumdan Teymurla aramızda sözlə mübahisə baş verdi. Sonra bizi sakitləşdirdilər. Teymur qardaşlı ilə getdilər. Təxminən 10-15 dəqiqədən sonra siqaret çəkmək üçün evin qarşısına çıxdım. Mən həmin vaxt küçədə içkili vəziyyətdə olmuşam. Spirtli içki qəbul etmişdim. Küçədə olan zaman bibim oğlunu gördüm. Mən Teymuru vurdum, onun anasını söydüm. Ağzıma gələni danışdım. Həmin vaxt Teymur zibillikdən bıçaq götürərək məni vurdu. Mən vurulduqdan sonra yerə yıxıldım. Daha sonra məni həkimə apardılar. Amma məni kimin həkimə apardığını bilməmişəm. Mənim doqquz övladım var. Xəstəxanada olan zaman Teymurla barışmışam. Mənə bir ədəd bıçaq zərbəsi vurulub. Xəstəxana xərcini özüm ödəmişəm. Teymurun ailə üzvləri zibillikdən metal yığmaqla məşğul olub. Ona görə də xəstəxana xərclərini ödəmək imkanları olmayıb. Mən içkili olduğum üçün Teymuru səbəbsiz yerə söymüşəm”.
Bu cinayət işinə Sumqayıt Ağır Cinayətlər Məhkəməsində baxılıb. Məhkəmənin hökmü ilə Teymur 8 ay müddətinə azadlıqdan məhrum edilib. Onun cəzasını ümumi rejimli tərbiyə müəssisəsində çəkməsi müəyyən edilib.
Fariz Məlikli
Demokrat.az
Demokrat.az-ın əldə etdiyi məlumata görə, hadisə 1 aprel 2024-cü ildə Xırdalan şəhəri, S.Bəhlulzadə küçəsində baş verib.
Teymur həmin gün saat 13:00-da fərdi yaşayış evinin qarşısında qohumluq münasibətlərində olduğu dayısı oğlu Rasimin onun anasının ünvanına nalayiq ifadələr işlətməsi ilə əlaqədar aralarında yaranmış mübahisə zamanı üzərində olan bıçaq ilə qəsdən onun döş qəfəsindən bir dəfə vurub.
Hadisəni törədən Teymurun barəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə ittiham elan edilib.
Cinayət işi üzrə təqsirləndirilən şəxs qismində ifadə verən Teymur ona elan olunmuş ittiham üzrə özünü təqsirli bilib. O, ifadəsində göstərib ki, aprelin 1-də, səhər saatlarında qardaşı ilə birlikdə dayısı oğlu Rasimin yaşadığı Abşeron rayonu, Xırdalan şəhəri, Sətdar Bəlulzadə küçəsində yerləşən fərdi tikili evinə gedib: “Orada olan zaman Rasim anamın ünvanına nalayiq ifadələr işlətdi. Bu səbəbdən aramızda sözlü mübahisə yarandı. Həmin vaxt qardaşım bizi sakitləşdirdi və biz həmin evdən çıxaraq getdik. Özüm və ailə üzvlərimlə birlikdə müxtəlif metalları zibillikdən toplayırıq. Rasimin evindən çıxdıqdan sonra onun evinin yaxınlığında olan zibillikdə metal axtaran zaman, sarı rəngli tutaçağı olan bir ədəd mətbəx bıçağını tapdım. Həmin bıçağı götürərək əynimdə olan şalvarın sol yan cibinə yerləşdirdim. Bıçağı götürməyimin səbəbi gələcəkdə yerdən tapacağım, naqillərin üzərində olan üzlüyü təmizləmək üçün istifadə etmək olub”.
Təqsirləndirilən şəxs qeyd edib ki, həmin gün saat 13:00-da qardaşı Muradla birlikdə Rasimin evinin qarşısından keçən zaman, Rasim yaşadığı evin qapısının qarşısında dayandığını görüb: “Rasim məni görən zaman yenidən mənim və ailə üzvlərimin ünvanına nalayiq ifadələr işlətməyə başladı. Aramızda sözlü mübahisə yarandı. Rasim üzərimə gəldi və məni vurmaq istədi. Mən də əsəbləşərək cibimdə olan bıçağı çıxardım və bir dəfə həmin bıçaqla Rasimin qarın nahiyəsindən vurdum. Daha sonra bıçağın üzərində qan olduğunu gördüm və qorxdum. Qaçaraq oradan uzaqlaşdım”.
İş üzrə zərərçəkmiş qismində ifadə verən Rasimin sözlərinə görə, aprelin 1-də, səhər saatlarında bibisi uşaqları – Murad və Teymur onun yaşadığı evə qonaq gəliblər: “Mən sərxoş olduğumdan Teymurla aramızda sözlə mübahisə baş verdi. Sonra bizi sakitləşdirdilər. Teymur qardaşlı ilə getdilər. Təxminən 10-15 dəqiqədən sonra siqaret çəkmək üçün evin qarşısına çıxdım. Mən həmin vaxt küçədə içkili vəziyyətdə olmuşam. Spirtli içki qəbul etmişdim. Küçədə olan zaman bibim oğlunu gördüm. Mən Teymuru vurdum, onun anasını söydüm. Ağzıma gələni danışdım. Həmin vaxt Teymur zibillikdən bıçaq götürərək məni vurdu. Mən vurulduqdan sonra yerə yıxıldım. Daha sonra məni həkimə apardılar. Amma məni kimin həkimə apardığını bilməmişəm. Mənim doqquz övladım var. Xəstəxanada olan zaman Teymurla barışmışam. Mənə bir ədəd bıçaq zərbəsi vurulub. Xəstəxana xərcini özüm ödəmişəm. Teymurun ailə üzvləri zibillikdən metal yığmaqla məşğul olub. Ona görə də xəstəxana xərclərini ödəmək imkanları olmayıb. Mən içkili olduğum üçün Teymuru səbəbsiz yerə söymüşəm”.
Bu cinayət işinə Sumqayıt Ağır Cinayətlər Məhkəməsində baxılıb. Məhkəmənin hökmü ilə Teymur 8 ay müddətinə azadlıqdan məhrum edilib. Onun cəzasını ümumi rejimli tərbiyə müəssisəsində çəkməsi müəyyən edilib.
Fariz Məlikli
Demokrat.az
