Aparıcı Tarix Əliyev (Tolik) həmkarı Zaur Nəbioğlunu tənqid edib.
Axşam.az xəbər verir ki, bu barədə aparıcı sosial media hesabında yazıb. Tolik bayağı mahnılarla gündəmdə qalan müğənnilərin efirdə özlərini Xalq artisləri ilə bir tutmasına müdaxilə etməyən Zauru qınayıb:
"Heç kimə söz atmayacağam. Amma gördüm ki, Zaur bunu gündəm xətrinə sosial mediada yayıb sonra da silib. Zaur, sənin verilişinə gələn müğənnilərin 90 faizi nəinki Aygün Kazımova (Xalq artisti - red.) olacaq, heç onun ətrafında belə görünə bilməyəcəklər. Aygün Kazımovanın olduğu səhnələrə ola bilməyəcəklər. Onun kimi ölkənin əsas ulduzu statusunu ala bilməyəcəklər. "Diva" sözü heç Aygün xanımın marağında da deyil. Kəmalə Günəşli (müğənni - red.) deyə bilər ki, bu gün sevilirəm. Amma arzu edirəm ki, o 1 ildən sonra da aktual olaraq qalsın. Verilişimdə də olub, səmimim xanımdır. Amma heç biri Aygün Kazımova olmayacaq. O, müasir estradamızın banisidir. Onun ətrafında belə ola bilməyəcəksiniz. Bəli, ad günlərində gedib onunla şəkil çəkdirəcəksiniz, tədbirlərdə görüb lentə alacaqsınız, hər zaman içinizdə Aygün Kazımova olmaq istəyi olacaq. Amma heç vaxt olmayacaqsınız. Zaur, bu gün istənilən müğənniyə deyə bilərsən yalandan yıxıl, bunu mən də söyləyirəm. Vüsalə Əlizadə də (aparıcı - red.) hamı bunları deyir. Bu müğənnilərin əksəriyyəti həftə içi sənin də, mənim də efirimdə olur. Amma içi sən qarışıq hamısının arzusu odur ki, Aygün Kazımova onların efirində qonaq olsun. Zaur, orada Kəmaləyə deməli idin ki, sən məşhur ola bilərsən, amma heç vaxt Aygün Kazımova ola bilməyəcəksən. Mən nə Aygün Kazımov, nə də Röya Ayxanla (Xalq artisti - red.) işləyirəm. Amma bu insanlar, həmçinin, Zülfiyyə Xanbabayeva, Brilliant Dadaşova, Faiq Ağayev (Xalq artistləri - red.) sənətləri ilə tarix yazıblar. "Bozbaş" mahnılarla gündəmdə qalmayıblar. Mən də o müğənniləri çağırıram və reytinq də verirlər. Lakin heç birinə ixtiyar vermirəm Aygün, Röya, Zülfiyyə xanım barəsində desinlər ki, biz ona rəqibik. Heç onlar səviyyə baxımından Sevda Yahyayeva, Günay İbrahimliyə də (müğənnilər -red.) tay deyillər. Onlara arzu edirəm ki, dövlətin mötəbər tədbirlərində nə vaxtsa adları hallansın. Amma Zaur, gərək sən fikrini orada bildirərdin".
