Politoloq: “Bu müharibənin danışıqlar və diplomatik yolla həlli yoxdur”

Rusiya və Ukrayna arasında atəşkəs əldə etmək mümkün olmur. Tərəflər arasında əsaslı fərqliliklər və dərin siyasi, hərbi, iqtisadi maraqlar mövcuddur. Münaqişənin başlanğıcından bəri hər iki ölkə bir-birinin suverenliyini və ərazi bütövlüyünü təhdid etdiyini iddia edir.

Bununla bağlı politoloq Məhəmməd Əsədullazadə Demokrat.az-a açıqlamasında bildirib ki, Rusiya və Ukrayna arasında gedən müharibədə atəşkəs əldə olunmur:

“Amerika Prezidenti Donald Trampın səylərinə baxmayaraq 30 günlük atəşkəs müddəti də əldə edilmədi. Aprel 20-nə Pasxa bayramına müəyyən ümidlər var. Göründüyü kimi tərəflərin bir-birinə qarşı hərbi hərəkətləri daha da intensiv xarakter alıb. 

Atəşkəsin əldə edilməməsi əsasən Putinin tələb, təklif və şərtləridir. Bu da əlbəttə ki, Amerika və Ukraynanı çətin vəziyyətə salır. Ukrayna prezidenti qeyri-şərtsiz atəşkəsə razıdır. Amma Putin Ukraynanın 1997-ci il səhərdlərinə geri çəkilməsini, xüsusilə Qərbin Ukraynanın silahsızlaşdırılmasını və Ukrayna qoşunlarının bu 4 vilayətdən çıxmasını tələb edir. 

Göründüyü kimi şərtlər çox ağırdır, həmçinin Rusiyanın tamamilə iqtisadi blokadadan çıxarılması da var. Yəni, Rusiya tərəfi tamamilə öz şərtləri ilə çıxış edir. Bu da ABŞ-nı strateji cəhətdən məğlubiyyətə uğradır.  Ona görə də atəşkəs əldə olunmur, proses davam etməkdədir. Bu müharibənin göründüyü kimi danışıqlar və diplomatik yolla həlli yoxdur”.


Leyla Turan
Demokrat.az