
Sumqayıt şəhərində 1987-ci il təvəllüdlü Kazım şəxsi münasibətlər zəminində yaranan mübahisə zamanı qeyri-rəsmi münasibətdə yaşadığı Tahirəyə (adlar şərti göstərilib – red.) xəsarət yetirib.
Demokrat.az-ın əldə etdiyi məlumata görə, hadisəni törədən Kazımın barəsində Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham elan edilib.
Cinayət işi üzrə təqsirləndirilən şəxs qismində ifadə verən Kazım ona elan olunmuş ittiham üzrə özünü təqsirli bilib. O, ifadəsində göstərib ki, zərərçəkmiş Tahirə onun tanışıdır: “Tahirə ilə 5 ay olar ki, tanış olmuşam. Mən avtomobil ustasıyam. Tahirə bir neçə dəfə özünə məxsus avtomobili düzəltdirmək üçün yanıma gətirdi, beləcə münasibətlərimiz yarandı. Tez-tez Tahirənin yaşadığı ünvana gedərək onunla birgə vaxt keçirmişəm”.
Təqsirləndirilən şəxs qeyd edib ki, hadisə günü, təxminən gecə saat 01:30-da Tahirənin yaşadığı ünvana gəlib: “Evdə olduğu zaman ondan əvvəllər narkotik vasitə qəbul edib-etmədiyini soruşdum. Tahirə heç vaxt narkotik maddə qəbul etmədiyini söylədi. Lakin ona inanmadığımı bildirdim. Tahirə məni nalayiq ifadələrlə təhqir etdi. Bu səbəbdən əsəbiləşərək onu döydüm. Sonra evi tərk edərək getdim”.
İş üzrə zərərçəkmiş qismində ifadə verən Tahirənin sözlərinə görə, Kazımı 5 aydır tanıyır, onunla arasında qeyri-rəsmi münasibət olub: “Tez-tez yaşadığım ünvana gələrək mənimlə vaxt keçirir, həmçinin azyaşlı övladlarımı dolandırmaqda maddi cəhətdən köməklik göstərdi. Hadisə günü, gecə saat 01:30-da Kazım yaşadığım ünvana gəldi, söhbət zamanı məndən əvvəllər narkotik vasitədən istifadə edib-etməməyimi soruşdu. Mən təkidlə heç vaxt narkotik vasitə istifadə etmədiyimi bildirdim. Mənə inanmayan Kazımla aramızda sözlü münaqişə baş verdi. Münaqişə zamanı Kazım məni əl zərbələri ilə döyməyə başladı. Buna səbəb Kazımın heç bir əsas olmadan məni narkotik vasitə istifadə etməkdə ittiham etməsi olub.
Bu cinayət işinə Sumqayıt Şəhər Məhkəməsində baxılıb. Məhkəmə təqsirləndirilən şəxsin zərərçəkmişlə barışmasını, zərərçəkmiş şəxsin ondan şikayətçi olmamasını nəzərə alıb. Bu səbəbdən Kazımın barəsində olan cinayət təqibinə xitam verilib. O, cinayət məsuliyyətindən azad edilib.
Fariz Məlikli
Demokrat.az
Demokrat.az-ın əldə etdiyi məlumata görə, hadisəni törədən Kazımın barəsində Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham elan edilib.
Cinayət işi üzrə təqsirləndirilən şəxs qismində ifadə verən Kazım ona elan olunmuş ittiham üzrə özünü təqsirli bilib. O, ifadəsində göstərib ki, zərərçəkmiş Tahirə onun tanışıdır: “Tahirə ilə 5 ay olar ki, tanış olmuşam. Mən avtomobil ustasıyam. Tahirə bir neçə dəfə özünə məxsus avtomobili düzəltdirmək üçün yanıma gətirdi, beləcə münasibətlərimiz yarandı. Tez-tez Tahirənin yaşadığı ünvana gedərək onunla birgə vaxt keçirmişəm”.
Təqsirləndirilən şəxs qeyd edib ki, hadisə günü, təxminən gecə saat 01:30-da Tahirənin yaşadığı ünvana gəlib: “Evdə olduğu zaman ondan əvvəllər narkotik vasitə qəbul edib-etmədiyini soruşdum. Tahirə heç vaxt narkotik maddə qəbul etmədiyini söylədi. Lakin ona inanmadığımı bildirdim. Tahirə məni nalayiq ifadələrlə təhqir etdi. Bu səbəbdən əsəbiləşərək onu döydüm. Sonra evi tərk edərək getdim”.
İş üzrə zərərçəkmiş qismində ifadə verən Tahirənin sözlərinə görə, Kazımı 5 aydır tanıyır, onunla arasında qeyri-rəsmi münasibət olub: “Tez-tez yaşadığım ünvana gələrək mənimlə vaxt keçirir, həmçinin azyaşlı övladlarımı dolandırmaqda maddi cəhətdən köməklik göstərdi. Hadisə günü, gecə saat 01:30-da Kazım yaşadığım ünvana gəldi, söhbət zamanı məndən əvvəllər narkotik vasitədən istifadə edib-etməməyimi soruşdu. Mən təkidlə heç vaxt narkotik vasitə istifadə etmədiyimi bildirdim. Mənə inanmayan Kazımla aramızda sözlü münaqişə baş verdi. Münaqişə zamanı Kazım məni əl zərbələri ilə döyməyə başladı. Buna səbəb Kazımın heç bir əsas olmadan məni narkotik vasitə istifadə etməkdə ittiham etməsi olub.
Bu cinayət işinə Sumqayıt Şəhər Məhkəməsində baxılıb. Məhkəmə təqsirləndirilən şəxsin zərərçəkmişlə barışmasını, zərərçəkmiş şəxsin ondan şikayətçi olmamasını nəzərə alıb. Bu səbəbdən Kazımın barəsində olan cinayət təqibinə xitam verilib. O, cinayət məsuliyyətindən azad edilib.
Fariz Məlikli
Demokrat.az