ABŞ Prezidenti Co Bayden Merilend ştatındakı Endrüs hərbi hava bazasında Moskva, Vaşinqton, Berlin və bir sıra digər dövlətlər arasında mübadilə çərçivəsində azad edilmiş məhbusları qarşılayıb.
Demokrat.az-ın REN TV-yə istinadla verdiyi məlumata görə, Ağ Ev rəhbərini ABŞ-nin vitse-prezidenti Kamala Harris müşayiət edib.
Bundan sonra ölkə rəhbərliyinin nümayəndələri media ilə söhbət ediblər.
Qeyd edək ki, Rusiya Prezidenti Vladimir Putin də mübadilə nəticəsində azad edilən rusiyalıları "Vnukovo-2" hava limanında şəxsən qarşılayıb.
Xatırladaq ki, avqustun 1-də Türkiyənin Ankara hava limanında Rusiya, ABŞ və digər Qərb ölkələri arasında məhbusların mübadiləsi baş tutub.//Oxu.az
