Almaniya Bundesliqasında 2023-2024-cü illər mövsümünün qalibi müəyyənləşib.
Demokrat.az xəbər verir ki, Xabi Alonsonun başçılıq etdiyi "Bayer Leverkuzen" komandası XXIX turda çempionluğu rəsmiləşdirib.
Leverkuzen təmsilçisi doğma meydanda “Verder” klubunu 5:0 hesabı ilə məğlub edərək xallarının sayını 79-a çatdırıb.
Komanda bununla da tarixində ilk dəfə ölkə çempionu titulunu qazanıb.
Qeyd edək ki, Alonsonun yetirmələri bu mövsüm keçirdiyi 29 matçın heç birində məğlub olmayıb.
