İsrail Livan sərhədində mülki avtomobili hədəfə alıb: 4 ölü

İsrail ordusunun Livanın cənubundakı sərhəd bölgəsində mülki avtomobili atəşə tutması nəticəsində 4 nəfər ölüb.

Demokrat.az xəbər verir ki, bu barədə Livanın rəsmi agentliyi “NNA” məlumat yayıb.

Məlumata görə, İsrail qüvvələri Livanın cənubundakı Kalayla və Əl-Şaaytiya qəsəbələri arasındakı yolda bir mülki avtomobili hədəfə alıb.

Avtomobildə olan 4 nəfərin həyatını itirdiyi bildirilib. 

Ölənlərin kimliyi ilə bağlı təfərrüatlar paylaşılmayıb.

İsrailin 8 oktyabrdan bəri Livana hücumları nəticəsində 3-ü jurnalist, 3-ü uşaq olmaqla ümumilikdə 20 mülki vətəndaş həyatını itirib.

Aysu
Demokrat.az