Bakıda çimərlikdə dostunun "Mercedes Benz S 63 AMG" markalı, AZ 10-BD-100 dövlət qeydiyyat nişanlı avtomobilindən 50 min manata yaxın qiyməti olan saatı oğurlayan şəxs Heydər Əliyev adına Hava Limanında saxlanılıb.
Demokrat.az-ın Qaynarinfo-ya istinadən məlumatına görə, hadisə Nardaran yolu, dənizkənarı ərazidə yerləşən "Daçniklər çimərliyi" kimi tanınan ictimai çimərlik ərazisində baş verib.
"Daçniklər çimərliyi"
Belə ki, 1 avqust 1998-ci ildə Bakı şəhərində doğulmuş, Azərbaycan Dövlət İqtisad Universitetinin Dünya İqtisadiyyatı fakültəsinin qiyabi şöbəsinin 4-cü kurs tələbəsi Elvin Mətləbov (soyad-şərti) dostu Kənana məxsus avtomobildən 2 iyun 2022-ci il tarixdə dəyəri 47600 manat olan, İsveçrə istehsalı, orijinal "AUDEMARS PİGUET" markalı qol saatını oğurlayıb.
"AUDEMARS PİGUET" markalı qol saatını
Elvin saatı 23000 min dollara "Port Baku" Biznes Mərkəzində bahalı, orijinal qol saatlarının satışı ilə məşğul olan Samir adlı şəxsə satıb. O, Samiri inandırıb ki, saat özünündür və ailəsindən gizlin bunu satır.
Daha sonra Elvin əldə etdiyi pulla "Sea breez" hotelində nömrə götürərək qalıb, orada "Blue beach" restoranında qonaqlıq da verib. Qalan pulla "Badam Art" hotelində nömrə götürüb, orada da qonaqlıq verib, bahalı "Range Rover" markalı maşın icarəyə götürərək sürüb.
"Blue beach" restoranı
Daha sonra Kənanın atası Elvinə zəng edərək ona saatın qaytarılması üçün bir gün vaxt verdiyini deyib.
Elvin də dərhal Günel adlı tanışı ilə İstanbula bilet alaraq Heydər Əliyev adına Hava Limanına yollanıb. Lakin sərhəd-buraxılış məntəqəsindən keçə bilməyib. Polis tərəfindən sərhəd-buraxılış məntəqəsində saxlanılıb.
Oğurluq edilən avtomobil
Məhkəmənin qərarı ilə Elvin Cinayət Məcəlləsinin 177.2.4-cü maddəsində nəzərdə tutulmuş cinayət əməlini törətməkdə təqsirli bilinib və ona 1 il 6 ay müddətə azadlığın məhdudlaşdırılması cəzası təyin edilib. Cinayət Məcəlləsinin 69.3-cü maddəsinə əsasən təqsirləndirilən şəxs həbsdə və ev dustaqlığında saxlanıldığı 7 ay, həbsdə saxlamanın bir günü azadlığın məhdudlaşdırılmasının iki gününə bərabər tutulmaqla 14 ay ona təyin edilmiş azadlığın cəzadan çıxılıb və üzərində qəti olaraq 4 ay müddətə azadlığın məhdudlaşdırılması cəzası saxlanılıb.
Demokrat.az-ın Qaynarinfo-ya istinadən məlumatına görə, hadisə Nardaran yolu, dənizkənarı ərazidə yerləşən "Daçniklər çimərliyi" kimi tanınan ictimai çimərlik ərazisində baş verib.
"Daçniklər çimərliyi"
Belə ki, 1 avqust 1998-ci ildə Bakı şəhərində doğulmuş, Azərbaycan Dövlət İqtisad Universitetinin Dünya İqtisadiyyatı fakültəsinin qiyabi şöbəsinin 4-cü kurs tələbəsi Elvin Mətləbov (soyad-şərti) dostu Kənana məxsus avtomobildən 2 iyun 2022-ci il tarixdə dəyəri 47600 manat olan, İsveçrə istehsalı, orijinal "AUDEMARS PİGUET" markalı qol saatını oğurlayıb.
"AUDEMARS PİGUET" markalı qol saatını
Elvin saatı 23000 min dollara "Port Baku" Biznes Mərkəzində bahalı, orijinal qol saatlarının satışı ilə məşğul olan Samir adlı şəxsə satıb. O, Samiri inandırıb ki, saat özünündür və ailəsindən gizlin bunu satır.
Daha sonra Elvin əldə etdiyi pulla "Sea breez" hotelində nömrə götürərək qalıb, orada "Blue beach" restoranında qonaqlıq da verib. Qalan pulla "Badam Art" hotelində nömrə götürüb, orada da qonaqlıq verib, bahalı "Range Rover" markalı maşın icarəyə götürərək sürüb.
"Blue beach" restoranı
Daha sonra Kənanın atası Elvinə zəng edərək ona saatın qaytarılması üçün bir gün vaxt verdiyini deyib.
Elvin də dərhal Günel adlı tanışı ilə İstanbula bilet alaraq Heydər Əliyev adına Hava Limanına yollanıb. Lakin sərhəd-buraxılış məntəqəsindən keçə bilməyib. Polis tərəfindən sərhəd-buraxılış məntəqəsində saxlanılıb.
Oğurluq edilən avtomobil
Məhkəmənin qərarı ilə Elvin Cinayət Məcəlləsinin 177.2.4-cü maddəsində nəzərdə tutulmuş cinayət əməlini törətməkdə təqsirli bilinib və ona 1 il 6 ay müddətə azadlığın məhdudlaşdırılması cəzası təyin edilib. Cinayət Məcəlləsinin 69.3-cü maddəsinə əsasən təqsirləndirilən şəxs həbsdə və ev dustaqlığında saxlanıldığı 7 ay, həbsdə saxlamanın bir günü azadlığın məhdudlaşdırılmasının iki gününə bərabər tutulmaqla 14 ay ona təyin edilmiş azadlığın cəzadan çıxılıb və üzərində qəti olaraq 4 ay müddətə azadlığın məhdudlaşdırılması cəzası saxlanılıb.
