Polşa və Baltikyanı ölkələr Ukraynaya dəstək bəyannaməsi imzaladılar

Polşa Seymində Polşa, Litva, Latviya və Estoniya arasında Ukraynanın sarsılmaz dəstəyini təsdiq edən birgə bəyannamə imzalanıb.

Demokrat.az "Ukrinform"a istinadən  xəbər verir ki, bu barədə Ukrayna Ali Radasının sədr müavini Yelena Kondratyuk Facebook səhifəsində məlumat verib.

"Dünən Seymdə Polşa, Litva, Latviya, Estoniya spikerləri Ukraynaya dəstəyin dəyişməzliyi və Avropada təhlükəsizlik, geosiyasi çağırışlara birgə cavab verilməsinin zəruriliyi haqqında 10 aydın bənddən ibarət birgə Bəyannamə imzaladılar. Tərəfdaşlar Rusiya Federasiyasına qarşı sanksiyaları gücləndirmək və Ukraynaya gələcək hərbi, iqtisadi, humanitar dəstək göstərmək üçün parlament diplomatiyasının səylərini birləşdirməyə razılaşıblar"-o qeyd edib.

"Tərəfdaşlarımızla birlikdə Ukraynanı qazanmaq üçün əlimizdən gələni etməliyik", - Kondratyuk deyib.

Qeyd edək ki, Ukrayna Rusiya rəhbərliyini Ukraynaya qarşı təcavüz cinayəti törətdiyinə görə məsuliyyətə cəlb edəcək beynəlxalq xüsusi tribunal yaratmaq təşəbbüsü ilə çıxış edib.Artıq bu məsələ Avropa Şurası Parlament Assambleyası, Avropa Parlamenti, NATO Parlament Assambleyası, ATƏT Parlament Assambleyası və ayrı-ayrı dövlətlər tərəfindən dəstəklənib.

Leyla
Demokrat.az