Dekabrda əfv gözlənilirmi? — AÇIQLAMA

GÜNDƏM 01 dek 2022, 21:18
“İlk növbədə əfv fərmanının verilib-verilməməsi cənab Prezident İlham Əliyevin iradəsi ilə bağlıdır. Bütün bunları Cənab Prezident müəyyənləşdirir, amma ümumiyyətlə, baxsaq mənim növbəti əfv fərmanının olmasıyla bağlı böyük gözləntilərim yoxdur”.

Bu fikirləri Demokrat.az-a açıqlamasında Əfv Məsələləri Komissiyasının üzvü, Konstitusiya Araşdırmalar Fondunun rəhbəri Əliməmməd Nuriyev deyib.

Tanınmış hüquqşünas qeyd edib ki, cari ildə Cənab Prezident tərəfindən əfv sərəncamı imzalanmışdır. 

“Həmin sərəncama əsasən 200-dən artıq şəxs cəzanın qalan hissəsindən azad edilmişdir. Ona görə, bir il ərzində növbəti əfv sərəncamının olmasıyla bağlı gözləntilərim böyük deyildir və güman etmirəm”.  



Hüquqşünas qeyd edib ki, ölkə başçımız tərəfindən hər zaman Azərbaycan tarixinin mühüm hadisələri zamanı bir qayda olaraq əfv sərəncamları verilmişdir və gələn il də bunun olması istisna deyil.

“Bilirsiniz ki, cümhuriyyətimizin 100 illiyi ilə bağlı cənab Prezidentimizin əfv sərəncamı oldu. Eyni zamanda, Zəfər  amnistiyası oldu. Qeyd edim ki, biz  hər il Novruz bayramı ərəfəsində əfv sərəncamlarının olduğunu görmüşük. Əlbəttə ki, gələn il çox böyük hadisələr ilidir. Bizim ümummilli lider Heydər Əliyevin anadan olmasının 100 illiyidir. İctimai tədbirlər keçiriləcək və istisna etməzdim ki, 100 illiklə bağlı əfv sərəncamı ola bilər. Amma yenə də, bununla bağlı qərarı bizim hörmətli Prezidentimiz verə bilər. Azərbaycanın Əfv institutu Ümummilli Lider tərəfindən konstitusiyaya daxil edilmişdir. Ona görə, ümid edirəm ki, bu istiqamətdə qərarlar ola bilər. Amma, dəqiq və doğru məlumatı vermək imkanından məhrumam, çünki bu hüquq Prezidentimizin konstitusion səlahiyyətidir”. 

Aynurə
Demokrat.az

DİGƏR XƏBƏRLƏR

XƏBƏR LENTİ
Top