Rəsmi İrəvan dəmir yolu ilə bağlı qərar verdi — İndi isə 226 milyon axtarır

REGİON 16 yan 2022, 10:38
İrəvan hökuməti Arazdəyən-Horadiz dəmir yolunun Ermənistan ərazisində tikintisi üçün hansı vəsaitdən istifadə olunacağı ilə bağlı hələ qərar verməyib.
 
Demokrat.az xəbər verir ki, bu barədə erməni mediası məlumat yayıb.
 
Qeyd olunub ki, layihənin həyata keçirilməsi ilə bağlı qərar verilib, lakin dəmir yolunun tikintisi üçün nəzərdə tutulan 226 milyon dollara yaxın vəsaitin haradan əldə olunacağı bəlli deyil.
 
Ermənistanın İqtisadiyyat Nazirliyi məsələnin onların səlahiyyətlərindən kənarda olduğunu, Ərazi İdarəetmə və İnfrastruktur Nazirliyi isə maliyyə mənbəyinin seçilməsi məsələsinin bəlli olmadığını bildirib.
 
Ölkənin Maliyyə Nazirliyi bütün məsələlərin müzakirə mərhələsində olduğunu bəyan edib:
 
"Bütün mümkün variantlar təhlil edilir. Hazırda əmlakın mülkiyyətçiliyi, vəziyyəti və digər məsələlərin müəyyən edilməsi üçün Mehri və Arazdəyən hissələrinin inventarlaşdırılması işləri aparılır. Layihənin həyata keçirilməsi üçün bütün maliyyə xərclərinin ifadə olunduğu texniki-iqtisadi əsaslandırmadan sonra məsələyə baxmaq olar".
 
Qeyd edək ki, Ermənistan Baş naziri Nikol Paşinyan Naxçıvan ərazisindən keçən Arazdəyən-Mehri dəmir yolunun bərpası ilə məşğul olacaq işçi qrupunun yaradılması barədə qərar imzalayıb./Axar.az

DİGƏR XƏBƏRLƏR

XƏBƏR LENTİ
25 may 2022, 22:54
Top