Qazaxıstanda övladlarının məktəbə hicabla buraxılmamasına etiraz edən valideynlər inzibati həbs cəzasına məruz qalıb.
Moderator.az rusdilli İslam saytlarına istinadla xəbər verir ki, bu haqda Aktübinsk vilayət məhkəməsinin mətbuat xidməti məlumat yayıb. Buna qədər həmin şagirdlərin atalarını guya qızlarını məktəbə baş örtüsü ilə getməyə məcbur etdiklərinə görə dəfələrlə cərimələyiblər.
“Onlarla profilaktik iş aparılıb, amma nəticə olmayıb. Şagirdlər yaylıqlarını açmayıblar və ona görə də ikinci ilə qalıblar”- deyə mətbuat xidmətindən bildirilib.
Bu minvalla polislər 3 ataya qarşı “İctimai asayişin pozulması” maddəsi ilə inzibati cəza haqda protokol tərtib ediblər. Valideynlərdən ikisi 3, biri isə 5 sutkalıq həbsə məhkum edilib.
