“Hamımız razılaşmalıyıq ki, Qarabağ müharibəsindən sonra bölgədə təhlükəsizlik mənzərəsi və hazırkı vəziyyət dəyişib”.
Bunu Gürcüstanın Baş naziriİrakli QaribaşviliBirinci kanalın efirində yayımlanan “Müstəqil baxış” proqramına müsahibəsində deyib.
Onun sözlərinə görə, Gürcüstan regionda Rusiyanın mövqeyinin güclənməsi və Qarabağ müharibəsindən sonra güc balansının dəyişməsini diqqətlə izləyir.
Baş nazir qeyd edib ki, bu gün Rusiya regionda mövqeyini gücləndirib: “Demək olar ki, Rusiya bölgəni əhatə edib. Biz bunu yaxşı başa düşürük, xüsusən də ona görə ki, ərazilərimizin 20 faizi Rusiya tərəfindən işğal edilib və bu faktı bizim dostlarımız, tərəfdaşlarımız tez-tez unudurlar”.
