Uşaq Psixonevroloji Mərkəzdə müalicə alan, 6 yaşlı Həsən Mərdənovun anası Səbinə Mərdanova xəstəxananın övladına etinasız yanaşmasından şikayətçidir.
Demokrat.az xəbər verir ki, 6 yaşlı Həsən Mərdanov körpəlikdən nitq qüsurundan əziyyət çəkir.
Ananın iddiasına görə, xəstəxana dövlət hesabına müalicə aldıqları üçün pandemiyanı bəhanə edir və uşağın müalicəsinə həftədə 1-2 dəfə cəmi 30 dəqiqə, ödənişli müalicə alan pasientlərə isə hər gün 2 saat şərait yaradır.
Məsələ ilə bağlı Uşaq Psixonevroloji Mərkəzlə əlaqə saxladıq. Mərkəzdən bildirdilər ki, məsələ tez bir zamanda araşdırılacaq.(yeniavaz.com)
