Azərbaycanlı bir çoban sərhədi keçərək Ermənistan ərazisinə daxil olub.
Demokrat.az xəbər verir ki, bu barədə Erməniatan mətbuatı məlumat yayıb.
Məlumatda həmin şəxsin tapıldığı, hazırda Berd şəhərində hərbi polis tərəfindən saxlanıldığı bildirilir.
Ermənistan Müdafiə Nazirliyi hələlik məsələ ilə bağlı heç bir şərh verməyib. Tavuş bölgəsindəki icma rəhbərlərindən biri hadisə barədə eşitdiyini, lakin dəqiq təfərrüatları bilmədiyini bildirərək qeyd edib:
"O, bizim rayondakı meşələrdən keçərək gəlib".
Başqa bir icma rəhbəri isə çobanın Aygedzor yaxınlığında sərhədi keçdiyini deyib.
