Venera 3 oktyabrda Əqrəb bürcündə retro hərəkətinə başlayıb. 25 oktyabra qədər davam edəcək bu astroloji dövrdə münasibətlərdə güvən, qısqanclıq, bağlılıq və keçmişdən qalan problemlərin yenidən gündəmə gələcəyi bildirilir.
Demokrat.az xəbər verir ki, astroloji şərhlərə görə, Veneranın Əqrəbdə retro hərəkəti insanların münasibətlərində əvvəllər diqqət yetirmədikləri detalları daha çox sorğulamasına səbəb ola bilər. Partnyorun gec cavab verməsi, keçmiş münasibətlərdən birinin yenidən gündəmə gəlməsi və ya gələcəklə bağlı planların qeyri-müəyyən qalması bəzi insanlarda güvənsizlik yarada bilər.
Mütəxəssislərin astroloji yanaşmasına görə, bu dövrdə əsas məsələ hər şübhəni böyütmək deyil, narahatlığın səbəbini müəyyənləşdirərək qarşı tərəflə açıq danışmaqdır.
Xüsusilə Əqrəb, Buğa və Tərəzi bürclərinin münasibətlərdə güvən və qısqanclıq mövzusunda daha həssas ola biləcəyi qeyd edilir.
Əqrəb – şübhələri böyütməməlidir
Venera retrosunun Əqrəb bürcündə başlaması bu bürcün nümayəndələri üçün münasibətlər mövzusunu daha da ön plana çıxara bilər.
Partnyorun gec cavab verməsi, planlar barədə kifayət qədər məlumat verməməsi və ya keçmişdən biri ilə yenidən əlaqə saxlaması Əqrəblərdə şübhə yarada bilər.
Lakin astroloji şərhlərə görə, əsas risk mövcud olmayan problemləri təsəvvürdə yaratmaqdır. Əqrəblərin qarşı tərəfin hər davranışına fərqli məna yükləmək əvəzinə narahatlıqlarını açıq şəkildə ifadə etməsi tövsiyə olunur.
Bu dövrdə Əqrəblər üçün əsas məsələ qorxuları ilə reallığı bir-birindən ayırmaq olacaq.
Buğa – münasibətin gələcəyini sorğulaya bilər
Buğa bürcü üçün güvən yalnız partnyorun sədaqəti ilə məhdudlaşmır. Münasibətdə sabitlik, verilən sözlərin yerinə yetirilməsi və gələcəklə bağlı ortaq planların olması da mühüm rol oynayır.
Veneranın qarşı bürc olan Əqrəbdə retro hərəkəti münasibətlərdəki kiçik problemləri daha görünən edə bilər. Gələcəklə bağlı söhbətlərdən qaçmaq, ortaq planların davamlı təxirə salınması və ya maddi məsələlərdə qeyri-müəyyənlik Buğalarda narahatlıq yarada bilər.
Hətta keçmiş münasibətlərlə bağlı məsələlər də qısqanclığa səbəb ola bilər. Ancaq hər qeyri-müəyyənliyi xəyanət kimi qiymətləndirmək əvəzinə problemin əsl səbəbini müəyyənləşdirmək daha doğru hesab olunur.
Tərəzi – "Mənim bu münasibətdə yerim nədir?" sualını verə bilər
Venera tərəfindən idarə olunan Tərəzi bürcü üçün bu retro dövründə əsas mövzulardan biri münasibətdə öz dəyərini hiss etmək ola bilər.
Partnyorun dostları ilə daha çox vaxt keçirməsi, sosial mediada başqa insanlara göstərdiyi diqqət və ya əvvəlki qədər romantik davranmaması Tərəzilərdə qısqanclıq və özünü başqaları ilə müqayisə etmə hissi yarada bilər.
Adətən münasibətlərdə problem yaranmasın deyə narazılıqlarını içində saxlayan Tərəzilər bu dövrdə hisslərini daha açıq ifadə etmək ehtiyacı duya bilərlər.
Astroloji şərhlərə görə, Tərəzilər üçün əsas məsələ partnyorlarından davamlı təsdiq gözləmək deyil, öz dəyərlərini və münasibətdəki mövqelərini qorumaqdır.
Veneranın 25 oktyabrda retro hərəkəti ilə Tərəzi bürcünə qayıtması ilə münasibətlər mövzusu onlar üçün daha şəxsi xarakter ala bilər.
