Yüksək arterial təzyiqi nəzarətdə saxlamaq üçün dərman müalicəsi ilə yanaşı, düzgün qidalanma da mühüm rol oynayır. Dietoloqlar ürək-damar sistemi üçün faydalı içkilər arasında çuğundur şirəsinə diqqət çəkirlər.
Demokrat.az xəbər verir ki, bu barədə Health.com yazıb.
Çuğundur şirəsi nitratlarla zəngindir. Bu maddələr orqanizmdə damarların sağlamlığını dəstəkləyən azot oksidinin yaranmasına kömək edir. Araşdırmalara görə, çuğundurdan alınan nitratların müntəzəm qəbulu hipertoniya olan insanlarda sistolik təzyiqi orta hesabla 3-4 mm civə sütunu azalda bilər.
Çuğundur şirəsi həmçinin antioksidant və kalium mənbəyidir. Kalium artıq natriumun orqanizmdən xaric olunmasına və qan təzyiqinin normal səviyyədə saxlanmasına kömək edir.
Mütəxəssislər bildirirlər ki, çuğundur şirəsi müalicəni əvəz etmir və yalnız sağlam qidalanmanın bir hissəsi kimi qəbul edilməlidir. Onu tək halda içmək, smuziyə əlavə etmək və ya alma və sitrus şirəsi ilə qarışdırmaq mümkündür.
Jalə
