Yumurta qaynatmaq asan görünsə də, bişirmə zamanı qabığın çatlaması bir çox insanın qarşılaşdığı problemdir. Xüsusilə soyuducudan çıxarılan yumurtaların birbaşa qaynar suya salınması çatlama riskini artırır.
Lakin bir neçə sadə üsulla yumurtaları qabığı çatlamadan qaynatmaq mümkündür. Əsas məqam isə temperaturun qəfil dəyişməsinin qarşısını almaqdır.
1. Yumurtanı dərhal qaynar suya salmayın
Soyuducudan çıxarılan yumurtanı birbaşa qaynar suya qoymaq qabığın temperatur fərqinə görə çatlamasına səbəb ola bilər. Bunun qarşısını almaq üçün yumurtaları qaynatmazdan əvvəl10-15 dəqiqə otaq temperaturunda saxlamaqməsləhətdir.
Vaxtınız azdırsa, yumurtaları qısa müddət ilıq suda saxlamaq da temperatur fərqini azaltmağa kömək edə bilər.
2. Soyuq su ilə başlayın
Yumurtaları əvvəlcə qazana yerləşdirin və üzərini tam örtəcək qədər soyuq su əlavə edin. Daha sonra qazanı ocağa qoyaraq suyun tədricən isinməsinə imkan verin.
Yumurtaların qazanın dibində bir sıra halında yerləşdirilməsi də vacibdir. Beləliklə, onların bir-birinə və qazanın divarlarına çırpılaraq çatlaması ehtimalı azalır.
3. Qaynama suyuna duz əlavə edin
Suya az miqdarda duz əlavə etmək də faydalı ola bilər. Duz qabıqda kiçik çat yarandığı zaman yumurta ağının daha tez bərkiməsinə kömək edir.
Bir qazan su üçün təxminənbir çay qaşığı duzkifayətdir. Lakin duzun təkbaşına qabığın çatlamasının qarşısını tamamilə almadığı qeyd olunur.
4. Güclü qaynamadan qaçın
Su şiddətli qaynadıqda yumurtalar qazanın içində çox hərəkət edir və bir-birinə və ya qazanın dibinə çırpıla bilər. Bu isə qabığın çatlamasına səbəb olur.
Su qaynamağa başladıqdan sonra ocağın altını bir qədər azaltmaq və yüngül qaynama yaratmaq daha məqsədəuyğundur. Yumurtaları qaşıqla davamlı çevirmək və ya qarışdırmaq da lazım deyil.
5. Yumurtaları ehtiyatla qazana yerləşdirin
Yumurtaları qaynar suya yuxarıdan atmaq əvəzinə, qaşıqla yavaşca qazana yerləşdirmək çatlama riskini azalda bilər.
Qaşığı yumurtanın altına yerləşdirib onu ehtiyatla suya buraxmaqla qazanın dibinə sərt şəkildə dəyməsinin qarşısını almaq mümkündür.
Leyla Demokrat.az
