Volodin Ermənistan hakimiyyətini "ikiüzlü və yalançı" siyasət yürütməyə son qoymağa çağırıb.
"Ermənistan eyni vaxtda həm Avropa İttifaqına qoşulmağa çalışmaq, həm də Avrasiya İqtisadi İttifaqının (Aİİ) təklif etdiyi imkanlardan yararlanmağa davam etmək kimi fürsətçi və ikiüzlü siyasətə son qoymalıdır".
Demokrat.az-ın məlumatına görə, bu bəyanatı Rusiya Dövlət Dumasının sədri Vyaçeslav Volodin səsləndirib.
"İstərdik ki, Ermənistan ikiüzlü və yalançı siyasət yürütməsin. Axı əgər Ermənistan Avropa İttifaqına qoşulmaq niyyətini ifadə edən qanun qəbul edirsə, onda nə üçün Avrasiya İqtisadi İttifaqının (Aİİ) yaratdığı imkanlardan indiyədək imtina etməyib və istifadə etməkdə davam edir? Siz nə üçün bu birliyin üzvlərini çaşdırır və aldadırsınız?" – deyə Volodin Rusiya KİV-lərinə müsahibəsində hiddətlə bildirib.
O, Ermənistanın bu davranışının kinayəli və yanlış olduğunu qeyd edib.
"Sadəcə açıq şəkildə deyin. Avropa İttifaqına qoşulursunuz? Buyurun, qoşulun. Lakin bu halda burada (Avrasiya İqtisadi İttifaqında - red.) güzəştli şərtlər tələb etməməlisiniz", – deyə Dövlət Dumasının sədri sözlərinə əlavə edib.
Xatırladırıq ki, 2025-ci ilin martında Ermənistan parlamenti ölkənin Avropa İttifaqına qoşulması prosesini başladan qanunu qəbul etdi; respublika prezidenti Vahaqn Xaçaturyan həmin ilin aprelində bu tədbiri təsdiqlədi. Paşinyanla görüş zamanı Rusiya Prezidenti Vladimir Putin bildirdi ki, həm Aİ-nin, həm də Aİİ-nin (Avrasiya İqtisadi İttifaqı) gömrük ittifaqlarına eyni vaxtda üzv olmaq mümkün deyil.
